Oʻzbekiston qishloq xoʻjaligi ishchilarini Koreyada mavsumiy mehnat faoliyatiga jalb etish bo‘yicha kelishuv

Mazkur kelishuv Oʻzbekiston Migratsiya agentligi va Andijon viloyati vakillari tomonidan Koreyaning Buan tumanida imzolandi. Mahalliy axborot manbalariga ko‘ra, kelgusida ushbu kelishuv bilan bog‘liq barcha jarayonlar Koreya Adliya vazirligi talablariga muvofiq, aniq va shaffof tarzda amalga oshirilishi rejalashtirilmoqda. Shu munosabat bilan, mazkur kelishuv orqali mehnat qiluvchi ishchilarning huquq va majburiyatlari, asosiy qoidalar belgilab olinib, noqonuniy yashash holatlarining oldini olish uchun himoya mexanizmlari joriy etiladi. Bu esa ishchilarning huquqlarini himoyalash va ularni tizimli ravishda boshqarishni ta’minlashga xizmat qiladi. Ikki davlat kelgusida qishloq xo‘jaligi sohasida hamkorlikni yanada kengaytirish va doimiy rivojlantirish bo‘yicha hamkorlik qilish zarurligini ta’kidladilar. Mazkur memorandum ikki davlat o‘rtasida muhim qadam bo‘lib, Koreyada istiqomat qilayotgan o‘zbek fuqarolari sonining ortishi bilan bog‘liq ravishda yuzaga kelgan viza berishdagi cheklovlar va boshqa muammolarni hal etishda, shuningdek Koreyada qonuniy va xavfsiz mehnat faoliyatini ta’minlaydigan shaffof tizimni shakllantirish yo‘lida muhim rivojlanish sifatida baholanmoqda.